एजेन्सी – बलिउडमा शाहरुख खान “बादशाह”को उपनामले चिनिन्छन्। सन् १९९२ मा चलचित्र “दिवाना” बाट बलिउडमा डेब्यु गरेका शाहरुखले अहिले सम्म लगभग ८९ चलचित्रमा काम गरिसके।
लगभग ३० वर्षे बलिउड करियरमा उनके कयौं कलाकारहरुसंग काम गरे। उनले काम गरेका केहि कलाकार अहिले जीवित नै छैनन्। जस मध्ये केहि निम्न छन्।
दिव्या भारती
शाहरुख खानले आफ्नो फिल्मी करियर सन् १९९२ मा चलचित्र “दिवाना” बाट गरेका थिए। चलचित्रमा नायिकाको रुपमा शाहरुखलाई दिव्या भारतीले साथ दिएकी थिइन्। दिव्या भारती अहिले संसारमा छैनन्। उनको सन् १९९३ मा एक दुर्घटनामा परी ज्यान गएको थियो।
श्रीदेवी
बलिउडकी पहिलो महिला सुपरस्टार श्रीदेवीको निधन सन् २०१८ मा दुबईको एक होटलमा भएको थियो।उनको निधनलाई अझै पनि रहस्यमयी मान्ने गरिन्छ। श्रीदेवीसंग पनि शाहरुख खानले काम गर्ने मौका पाएका थिए। चलचित्र “आर्मी”मा शाहरुख र श्रीदेवीले एक साथ काम गरेका थिए।
रसिका जोशी
अभिनेत्री रसिका जोशीले शाहरुख खानसँग बिल्लु र स्वदेश जस्ता फिल्महरूमा काम गरेकी थिइन। दुबै फिल्महरूमा रसिकाको कामको पनि प्रशंसा गरिएको थियो। २०११ मा रसिकाको मृत्यु भयो, यद्यपि उनले अन्य धेरै चलचित्रहरूमा पनि अभिनय गरिसकेकी छन्।
रीमा लागु
बलिउडको धेरै कलाकारहरुको आमाको भूमिका निभाउने रीमा लागूको सन् २०१७ मा निधन भयो। हार्ट अट्याकको कारण उनले विश्वलाई अलविदा भनिन्। शाहरुखले रीमा लागूसँग कल हो ना हो, यस बोस र कुछ-कुछ होता है जस्ता सुपरहिट फिल्महरूमा काम गरे।
सुधा शिवपुरी
अभिनेत्री सुधा शिवपुरीले शाहरुख खानसँग फिल्म माया मेमसाब (१९९३) मा काम गरेकी थिइन। टिभी धारावाहिक किनकि क्योंकि सास भी कभी बहूथी मार्फत सुधाले लोकप्रियता हाँसिल गरेकी थिइन्। सुधा शिवपुरीको सन् २०१५ मा निधन भयो।
