पछिल्लो २४ घण्टामा देशभर ३ हजार ६३७ जनामा कोरोना संक्रमण पुष्टि भएको छ।
स्वास्थ्य तथा जनसंख्या मन्त्रालयको नियमित प्रेस ब्रिफिङमा क्रममा प्रवक्ता डा. जागेश्वर गौतमले देश भर ३ हजार ६३७ जनामा कोरोना भाइरस संक्रमणको पुष्टि भएको जानकारी दिए। योसँगै देशभर हालसम्म संक्रमित हुनेको संख्या १ लाख ४८ हजार ५०९ पुगेको छ।
आज १५ हजार २५५ जनाको पिसिआर परीक्षण भएको छ।
पछिल्लो २४ घण्टामा ३ हजार २१५ जना कोरोनाबाट निको भएर जना डिस्चार्ज भएका छन्। यससंगै हालसम्म निको हुनेको संख्या १ लाख २ हजार ५२० पुगेको छ। अहिलेसम्म देशभर सक्रिय संक्रमितको संख्या ४४ हजार ८७७ छ।
हाल देशभर १३ हजार ३३९ संस्थागत आइसोलेशन र ३१ हजार ५३८ जना होम आइसोलेशनमा रहेका छन् ।
त्यस्तै, आज थप २१ जनाको ज्यान गएसँगै हालसम्म देशभर कोरोना संक्रमणको कारण मृ-त्यु हुनेको संख्या ८१२ पुगेको छ।
उपत्यकामा १५ सय भन्दा बढी संक्रमित
सोमबार काठमाडौं उपत्यकामा २ हजार भन्दा बढीमा कोरोना संक्रमण पुष्टि भएको छ। उपत्यका तीनै जिल्लामा गरी आज १ हजार ५५२ जना कोरोना संक्रमित थपिएका हुन्।
आज थपिएकामध्ये काठमाडौंका मात्र १२८३ जना रहेका छन्। त्यस्तै, स्वास्थ्य तथा जनसंख्या मन्त्रालयका अनुसार भक्तपुरमा ११२ र ललितपुरमा १५७ जनामा कोरोना संक्रमण पुष्टि भएको छ।
