एजेन्सी , बलिउड अभिनेत्री करीना कपूर यतिबेला लन्डनमा फिल्म ‘अंग्रेजी मीडियम’ को सुटिंगमा व्यस्त छिन। लामो समयको अन्तराल पछि करिना अभिनेता इमरान खानका साथ चलचित्रमा देखिदै छिन। यस फिल्ममा करिना प्रहरीको भूमिकामा देखिदै छिन।
फिल्मको सुटिंग लगभग सकेर करिना आजभोली चर्चित टिभी रियालिटी शो ‘डांस इंडिया डांस’ मा धुम मच्चाईरहेकी छिन। यसै शो मार्फत करिनाले दर्शकहरुका लागि कुनै न कुनै नया कुराहरु अगाडी ल्याईरहेकी हुन्छिन।
हालै मात्र शो को एक एपिसोड मार्फत करिनाले फिल्म ‘चालबाज’ मा स्वर्गीय श्रीदेवीले निर्वाह गरेको भूमिका को डबल रोल गर्न चाहेको बताएकी छिन। उनले भनिन ‘मैले अहिले सम्म श्रीदेवी अभिनित यो फिल्म ३५ पटक भन्दा बढी पटक हेरिसके र यसै फिल्ममा म डबल रोल गर्न चाहन्छु’। यसै शो मार्फत करिनाले ‘म हमेशा यस्तो फिल्म गर्न चाहन्छु जहाँ ‘सीता ,गीता भई ‘चालबाज’ मा डबल रोल गर्न सकुँ, मलाई अहिले सम्म यस्तो डबल रोलका लागि फिल्ममा अफर आएको छैन त्यसैले मेरो मन भन्छ कि, म कुनै यादगार फिल्म गर्न सकूँ’ ।
करिना अभिनित फिल्म ‘गुड न्युज’ यसै बर्षको डिसेम्वरमा प्रदर्शन आउने तयारीमा रहेको छ। यस फिल्ममा करिनाका साथ अक्षय कुमार , दिलजीत दोसांझ, कियारा आडवाणी लगायतका कलाकारको मुख्य भूमिका रहने छ। गुड न्युज पश्चात करिना करण जौहरको मल्टी स्टार कास्ट फिल्म ‘तख्त’ को सुटिंगमा व्यस्त रहने छिन।
