सामान्यतया कोरोना संक्रमण मुक्त भएका मानिसमा संक्रमण प्रतिको एन्टिबडी बन्छ तर पछिल्लो केहि समयमा दोहोराएर संक्रमण भएका घटनाले विशेषज्ञहरूको ध्यानाकर्षण गरेको छ कि आखिर कति समयसम्म एन्टिबडी खतम हुन्छ त? केही अध्ययनहरूका अनुसार शरीरमा बनेको एन्टिबडीहरू चार महिनामा सकिन्छ। यसको मतलब यो स्थायी हुँदैन।
अब एउटा अध्ययनमा अनुसन्धानकर्ताहरूले स्थायी एन्टिबडीहरूको बारेमा पत्ता लगाएका छन्। वास्तवमा, अनुसन्धानकर्ताहरूले कोभिड-१९ का यस्ता बिरामीहरूको एउटा उपसमूहको पहिचान गरे जो संक्रमणबाट छिटो निको भए र उनीहरुको शरीरमा विकसित एन्टिबडीहरूले कोरोना भाइरसको बिरूद्ध द्रुत रूपमा काम गर्यो। वैज्ञानिकहरूले आशा गरेका छन् कि यसले रोगको विरूद्ध खोपहरू विकास गर्न मद्दत गर्दछ।
अमेरिकास्थित ब्रिघम र महिला अस्पताल लगायत विभिन्न संस्थाहरूका वैज्ञानिकहरूले कोभिड-१९ को हल्कादेखि मध्यम लक्षण भएका बिरामीहरूको परीक्षण गरे र पत्ता लगाए कि प्राय: बिरामीहरूमा समयसँगसँगै एन्टिबडीको स्तर घट्दै जान्छ। कोही-कोही मानिसमा भने यस एन्टिबडीको स्तर संक्रमणपछि केहि महिनासम्म रहिरहन्छ। यस शोधको नतीजा ‘सेल जर्नल’मा पनि प्रकाशित भएको छ। यसले रेखांकित गर्दछ कि अल्पकालिक लक्षणहरू भएका व्यक्तिहरूमा दीर्घकालीन स्थायी एन्टिबडीहरू विकसित हुन्छन्, जसले कोभिड-१९ बाट छिटो निको हुने व्यक्तिमा भाइरस विरुद्ध प्रभावकारी र लामो समयसम्म लडाई गर्ने प्रणाली विकास गर्दछ।
ब्रिघम र महिला अस्पतालका सह-लेखक डुएने वेसिमानले भने, “हामीले कोभिड-१९ मुक्त भएपछि स्थायी एन्टिबडीहरू विकास गर्ने व्यक्तिहरूको उप समूह पत्ता लगायौँ।” यस अध्ययनका अन्वेषकहरूले मार्च देखि जून २०२० सम्म बोस्टन क्षेत्रमा कोविड १९ संक्रमण मुक्त ९२ जनालाई सामेल गरे। अध्ययनका अनुसार यी मध्ये ५ बिरामीलाई अस्पतालमा भर्ना गर्नु पर्यो भने बाँकीलाई होम आइसोलेसनमा उपचार गरियो।
वैज्ञानिकहरूका अनुसार ‘स्थायी’ एन्टिबायोटिक विकास गर्नेहरूमा औसत १० दिनसम्म लक्षण देखा पर्यो, जबकि सामान्य एन्टिबाडीमा कोरोना भाइरसको प्रभाव औसत १६ दिनसम्म रह्यो।
