एजेन्सी – बलिउड र हलिउडमा सुन्दरता र अभिनयले राम्रो पहिचान बनाइसकेकी प्रियंका चोपडाले हालसालै आफ्नो ३७ औं जन्मदिन मनाईन्।
प्रियंकाको जन्मदिनको अवसरमा निक जोनसले एक शानदार पार्टीको आयोजना गरेका थिए। सोहि पार्टीमा काटिएको ५ तले केक बारे मिडियाहरुमा चर्चा भैरहेको छ।
भारतीय संचार माध्यमहरुमा उक्त केकको मूल्य बारे विभिन्न समाचारहरु आएका छन्। एक भारतीय मिडियाका अनुसार केकको मूल्य लगभग ३ लाख २० हजार रुपैंया रहेको छ।
प्रियंकाले सामाजिक संजालमा शेयर गरेको तस्विरमा केकको एक हिस्सा रातो र बाँकि हिस्सा सुनौलो रङ्गको देखिएको थियो। समाचारमा बताइए अनुसार निकले पत्नी प्रियंकाको ड्रेससँग मिल्दो केक बनाउन लगाएका हुन्।
निकको रोजाईमा डिजाइन गरिएको केकको उचाई लगभग ४ फिट रहेको बताइएको छ भने केक भेनेला र चकलेट फ्लेवरको रहेको मिडियाहरुले बताएका छन्।
