काठमाडौँ , केहि बर्षयता चर्चामा रहेका तिम्ल्याहा दाजुभाई डाक्टरहरु सौगात, सौजन, सौरजका पिता एवम गायक शिव देवकोटाको आवाजमा रहेको ‘क्या दामी देखियौ’ बोलको तीज गीत सार्वजनिक गरिएको छ। देवकोटाकै शब्द संकलन र संगीतमा तयार गरिएको उक्त गीतमा शिवलाई देवी घर्तीले साथमा दिएकी छिन।
एस थ्री के इन्टरटेनमेन्ट युट्युब च्यानलबाट सार्वजनिक गरिएको यस गीत शिवको दोस्रो तीज कोशेली हो। शिव बिकको कोरियोग्राफी तथा शम्भु चालिसेको छायांकन रहेको यस गीतमा मोडल पुजन घिमिरे र रमेश थापाले अभिनय गरेका छन।
https://youtu.be/UboE3t1Np4U
थली, डाँछीस्थित माउन्ट एभरेष्ट माविका प्रिन्सिपल समेत रहेका देवकोटाले पछिल्लो बर्ष बरिलै बोलको गीत बजारमा ल्याएका थिए। तीज गीतभन्दा बाहेक देवकोटाको हालसम्म २५ भन्दा बढी गीत बजारमा आइसकेका छन्।
