चर्चित खेल सञ्चार संस्था ‘गोल’ ले २०२० का लागि वर्षका टप–५० खेलाडीको सूची सार्वजनिक गरेको हो। हरेक वर्ष महिला र पुरुषतर्फ दुबै विधाका उत्कृष्ट खेलाडीको सूची निकालेर वर्षको उत्कृष्ट खेलाडीलाई ‘गोल ५० बेस्ट प्लेयर अवार्ड’ समेत प्रदान गर्दै आएको गोलले यो वर्ष पनि पुरुष र महिला दुवैतर्फ उत्कृष्ट खेलाडीको सूची घोषणा गरेको हो।
पुरुषतर्फ यस वर्ष बार्यन म्युनिखका फरवार्ड रोवर्ट लेवान्डोस्की सूचीको पहिलो स्थानमा पर्न सफल भएका छन्। पोलिस स्ट्राइकरले बार्यन म्युनिखको लागि गत सिजन ४७ खेलमा ५५ गोल गरे। उनको उत्कृष्ट प्रदर्शनको मद्दतमा बार्यन बुन्डेस्लिगा, डीएफबी-पोकल कप र च्याम्पियन्स लिगको उपाधि जित्न सफल भयो।
गोलको उत्कृष्ट ५० खेलाडीको सूचीमा म्यानचेस्टर सिटीका मिडफिल्डर किभिन डी ब्रुयन रहेका छन्। बार्सिलोनाका कप्तान लियोनल मेस्सी तेस्रो स्थानमा रहँदा ब्राजिलियन स्टार निमार चौंथो स्थानमा छन्। पोर्चुगिज कप्तान क्रिस्टियानो रोनाल्डो भने यस वर्ष उत्कृष्ट ३ मा पर्न सफल भएनन्। उनी यस सूचीमा पाचौं स्थानमा रहेका छन्।
२०२० का उत्कृष्ट १० खेलाडीको सूची:-
१०. साडियो माने (लिभरपुल)
९. थोमन मुलर(बार्यन म्युनिख)
८. करिम बेन्जामा (रियल म्याड्रिड)
७. भर्जिल भानडाइक (लिभरपुल)
६. किलियन एम्बाप्पे (पीएसजी)
५. क्रिस्टियानो रोनाल्डो (युभेन्टस)
४. नेइमार (पीएसजी)
३. लियोनल मेस्सी (बार्सिलोना)
२. केभिन डी ब्रुयन (म्यानचेस्टर सिटी)
१. रोवर्ट लेवान्डोस्की (बार्यन म्युनिख)
