इटालियन महारथी युभेन्टसले सिजनको अन्त्यमा आफ्नो स्टार खेलाडी क्रिस्तियानो रोनाल्डोलाई बेच्ने योजना बनाएको छ। एएसको एक रिपोर्टका अनुसार। युभेन्टसले क्रिस्टियानो रोनाल्डोलाई आउने समर ट्रान्सफर विन्डोमा बजारमा राख्ने योजना गरिरहेको छ।
सन् २००९ मा म्यानचेस्टर यूनाइटेडबाट रियल म्याड्रिड आएका रोनाल्डो स्पेनिस क्लबमा ९ वर्ष बिताएपछि २०१८ मा ११७ मिलियन डलरमा युभेन्टससँग अनुवन्ध भएका थिए। उनी इटालियन महारथीसँग २०२२ सम्म अनुवन्धित छन्। युभेन्टस अहिले रोनाल्डोको वर्तमान सम्झौताको समयावधि समाप्त हुनुभन्दा अघि बेचेर आफूले लगानी गरेको ११७ मिलियन डलरको ठूलो हिस्सा उठाउने दाउमा रहेको छ।
युभेन्टसका लागि ९४ खेलमा ७१ गोल गरिसकेका ३५ वर्षीय पोर्चुगिज लेजेण्ड रोनाल्डोले युभेन्टसमा २ सरी-ए जितिका छन्। यो सिजन पनि उनी उत्कृष्ट लयमा रहेका छन्। यस सिजन उनले ५ खेलमा ६ गोल गरिसकेका छन्।
