काठमाडौँ : गएराति देशका विभिन्न स्थानका एनसेल टावरमा आगजनी भएको छ ।
भोजपुरको रामप्रसाद राई गाउँपालिका –१ मा रहेको एनसेलको टावरमा आगजनी हुँदा टावरमा रहेको ५ वटा सोलार प्यानल नष्ट भइ एक थान इन्जिन जलेको हो ।
एनसेलको टावरमा आगजनी गर्ने समूहको खोजि कार्य तीव्र भइरहेको जिल्ला प्रहरी कार्यालय भोजपुरका प्रहरी निरीक्षक पाण्डवकुमार राजवंशीले जानकारी दिए ।
यता गोरखाको पालुङटार नगरपालिका–८ धुवाँकोटमा रहेको एनसेल टावरमा पनि आगजनी भएको छ । गएराति करिब ११ बजेको समयमा टावरमा आगजनी भएको र त्यसमा संलग्नको खोजि भइरहेको जिल्ला प्रहरी कार्यालय गोरखाले जनाएको छ ।
बुधबार राति देखि विभिन्न स्थानका एनसेल टावरमा आगजनी भएको खबर प्राप्त भएका छन्।
