प्राय: मानिसको खाना खाएपछि पानी पिउने बानी हुन्छ। तर केहि यस्ता खानेकुरा पनि छन् जसको सेवन गरेपछि पानी पिउनु हुँदैन। यस्ता धेरै चीजहरू छन् जसको सेवन गरेपछि पानी पिउँदा शरीरमा केहि परिवर्तनहरू हुन्छन् र यसको परिणाम स्वरूप विभिन्न समस्या उत्पन्न हुन्छ।
कफी
कफी खाएपछि पानी पिउन मन लाग्छ। यो जिब्रोमा रहेको टेस्ट बडको कारणले हुन्छ। लगातार तातो पेय पदार्थ खाएपछि जिब्रो चिसोपन चाहन्छ, त्यसैले यस्तो चाहना हुन्छ। तर यदि तपाईंले कफी पिएपछि पानी पिउनु भयो भने यसले तपाईंको पाचन प्रणालीमा प्रत्यक्ष प्रभाव पार्न सक्छ। त्यसैले कफी पिएपछि आधा घण्टा पानी पिउनु हुँदैन। यसले कब्जियत पनि निम्त्याउन सक्छ।
फलफूल
फलफूल खाएपछि पनि पानी पिउनु हुँदैन। किनभने फलफूल खाएपछि पानी पिउँदा अपच, खोकी वा चिनीको स्तरमा बढ्ने समस्या हुनसक्छ। सुन्तला र अंगूर खाएपछि तुरुन्तै पानी पिउँदा घाँटी दुखाइ जस्ता समस्या हुनसक्छ। केरा, नाशपाती, स्याउ, अनार आदि फलफूलमा चिनी सामग्री वा साइट्रिक एसिड समावेश हुन्छ जसको कारणले यी फलफूल खाएर लगत्तै पानी पिउँदा शरीरलाई हानी हुन्छ।
चना
चनाको कुनै पनि व्यंजन तथा भुटेको चनाको सेवन गरेपछि लगत्तै पानी पिउनु हानिकारक हुनसक्छ। यसो गर्नाले पेट दुख्न सक्छ। यसको कारण यो हो कि हाम्रो शरीरलाई चना पचाउनको लागि पेट भित्र तापको आवश्यकता छ तर पानी पिउँदा उक्त ताप रहँदैन। यस्तो अवस्थामा, जब पेटमा पुगेको चुना राम्रोसँग पच्दैन तब पेट दुख्ने समस्या हुन्छ।
बदाम
बदाम खाइसकेपछि पानी पिउँदा अधिकांश व्यक्तिलाई सुख्खा खोकी लाग्छ। किनभने बदाम र पानी एक अर्काको विपरित हुन्छन्। बदामले शरीरमा न्यानोपन प्रदान गर्छ तर पानी चिसो हुन्छ। त्यसैले बदाम खाएको कम्तिमा १५ मिनेटपछि मात्र पानी पिउनुहोस्।
मिठाई
यदि तपाईंले मिठाई खाएपछि तुरुन्तै पानी पिउनुभयो भने शरीरमा अचानक चिनी बढ्छ। पानीले शरीरमा चिनी भण्डार गर्ने क्षमता बढाउँछ, त्यसैले मिठाई खाने बितिक्कै पानी पिउँदा कहिलेकाहिँ शरीरमा अनौठो परिवर्तन हुन्छ। यदि तपाईं बारम्बार यसो गर्नुहुन्छ भने मधुमेह विकास हुने सम्भावना बढ्छ।
