पछिल्लो २४ घण्टामा देशभर १ हजार २७२ जनामा कोरोना संक्रमण पुष्टि भएको छ।
स्वास्थ्य तथा जनसंख्या मन्त्रालयका अनुसार शुक्रबार देशभर १ हजार २७२ जनामा कोरोना भाइरस संक्रमणको पुष्टि भएको जानकारी दिए। योसँगै देशभर हालसम्म संक्रमित हुनेको संख्या २ लाख ३८ हजार ८६१ पुगेको छ।
आज ८ हजार ३१ जनाको पिसिआर परीक्षण भएको छ।
पछिल्लो २४ घण्टामा १ हजार ५७५ जना कोरोनाबाट निको भएर जना डिस्चार्ज भएका छन्। यससंगै हालसम्म निको हुनेको संख्या २ लाख २१ हजार ८४७ पुगेको छ। अहिलेसम्म देशभर सक्रिय संक्रमितको संख्या १५ हजार ४४७ छ।
त्यस्तै, आज थप १६ जनाको ज्यान गएसँगै हालसम्म देशभर कोरोना संक्रमणको कारण मृ-त्यु हुनेको संख्या १५६७ पुगेको छ।
उपत्यकामा ६ सय भन्दा बढी संक्रमित
शुक्रबार काठमाडौं उपत्यकामा ६ सय भन्दा बढीमा कोरोना संक्रमण पुष्टि भएको छ। उपत्यका तीनै जिल्लामा गरी आज ६०६ जना कोरोना संक्रमित थपिएका हुन्।
आज थपिएकामध्ये काठमाडौंका मात्र ४४० जना रहेका छन्। त्यस्तै, स्वास्थ्य तथा जनसंख्या मन्त्रालयका अनुसार भक्तपुरमा ४१ र ललितपुरमा १२५ जनामा कोरोना संक्रमण पुष्टि भएको छ।
