काठमाडौँ – नायिका श्वेता खड्काको विवाह सम्पन्न भएको छ। सोमबार काठमाडौँको गोकर्ण फरेष्ट रिसोर्टमा धनगढीका विजयन्द्र सिंह रावतसँग श्वेताको विवाह सम्पन्न भएको हो।
सिमित साथीभाई र आफन्तमाझ श्वेता र विजयन्द्रले हिन्दू परम्परा अनुसार विवाह सम्पन्न भएको बताइएको छ। नायिका श्वेतासँग विवाह गर्ने विजयन्द्र धनगढीबासी रहेका छन् भने उनी घरका कान्छा छोरा हुन्। व्यापारिक घरनाका विजयन्द्र र नायिका श्वेता गत एक वर्षदेखि प्रेम सम्बन्ध थिए।
नायिका स्वेता खड्का चलचित्र ‘कहाँ भेटिएला’बाट चलचित्र क्षेत्रमा प्रवेश गरेकी हुन्। खड्काले २०७१ असार २३ गते अभिनेता श्रीकृष्ण श्रेष्ठसँग विवाह गरेकी थिइन्। विवाह गरेको एक महिना नपुग्दै श्रेष्ठको निधन भएको थियो।
श्वेता अहिले चलचित्र क्षेत्रसँगै व्यापारमा सक्रिय छिन्। साथै समाजसेवामा पनि उनको सक्रियता छ। नायिका खड्काले विवाहका तस्विरहरु इन्स्टाग्राम मार्फत सार्वजनिक गरेकी छन्।
तस्विर: श्वेता खड्काको सामाजिक संजाल