पूर्व रियल म्याड्रिड खेलाडी डेभोर सुकरले पीएसजी स्टार किलियन एम्बाप्पेको रियल म्याड्रिडका लागी खेल्ने ठूलो चाहना रहेको बताएका छन्। फ्रान्सेली सुपरस्टार बर्नबेउ आउने सम्भावनाको बारेमा कुराब गर्दै पूर्व रियल स्ट्राइकरले उक्त कुरा बताए।
पीएसजीसँगको सम्झौता सकिनै लाग्दा धेरैले एम्बाप्पे रियल म्याड्रिड जाने आकलन गरिरहेको बेला सुकरको यस्तो बयान आएको हो। जबकि प्रीमियर लिग च्याम्पियन लिभरपुलले पनि एम्बाप्पेलाई भित्र्याउने प्रयास गरिरहेको छ।
“फुटबलमा अहिले धेरै पैसा छ, तर यदि कुनै खेलाडीमा सफल हुने भोक छैन भने त्यो खेलाडी कहिल्यै सफल हुनेछैन,” ५२ वर्षीय सुकरले बेइन स्पोर्ट्स फ्रान्सलाई भने। “कुनै पनि क्लबले सफलताको भोक भएको खेलाडी खोज्नु पर्छ, मलाई लाग्छ एम्बाप्पेमा रियलमा खेल्ने भोक र चाहना दुबै छ”, उनले भने।
क्रोएशियन फुटबल फेडेरेशनका अध्यक्ष समेत रहेका सुकरले स्पेनिस महारथी रियल म्याड्रिडका लागि १९९६ देखि १९९९ सम्म खेलका थिए। रियलमा आफ्नो खेल जीवनमा उनले ललिगा उपाधिका साथै च्याम्पियन्स लिग समेत जिते।
