मुम्बई । चर्चित भारतीय गायिका नेहा कक्कड फोब्र्सको प्रभावशाली सेलिब्रेटी सूचीको शीर्ष स्थानमा पर्न सफल भएकी छन् । यो समाचार आजको सौर्य दैनिकमा प्रकाशित छ।
उनी सामाजिक सञ्जालमा सबैभन्दा प्रभावशाली सेलिब्रेटीको सूचीको पहिलो स्थानमा परेकी हुन् । भारतीय सञ्चार माध्यमका अनुसार गायिका नेहाले यो खबर सामाजिक सञ्जालमार्फत् सार्वजनिक गरेकी हुन् ।
फोब्र्सको सूचीमा भारतका १२ जना सेलिब्रेटी परेका छन् । सूचीमा परेका अभिनेता अमिताभ लगायतका चर्चित हस्तीलाई पछि पार्दै नेहा पहिलो स्थानमा पुग्न सफल भएकी छन् ।
उनले सामाजिक सञ्जालमा लेखेकी छन्, ‘स्वयंप्रति निकै गर्वान्वित छु । तपाईंहरुलाई थाहा छ, यो सूचीमा अमिताभ बच्चन सर र शाहरुख सर गरी मात्रै १२ भारतीय परेका छन्, जसको हिस्सा म पनि भएको छु । धन्यवाद भगवान् ! तपाईंहरु सबैलाई पनि धन्यवाद ।’ चर्चित टेलिभिजन सो इन्डियन आइडलकी निर्णायकसमेत रहेकी नेहाको हालै मात्रै गायक रोहनप्रित सिंहसँग विवाह गरेकी छन् ।
