रोनाल्डो प्रिमियर लिग इतिहास कै उत्कृष्ट ?

क्रिस्टियानो रोनाल्डोको स्पोर्टिंग सिपीबाट म्यानचेस्टर युनाइटेडको ट्रान्सफर प्रिमियर लिगको इतिहासकै सबैभन्दा उत्कृष्ट स्थानान्तरण घोषित भएको छ।

स्काई स्पोर्ट्स ट्रान्सफर शोले पोर्चिगिज सुपरस्टारको १२ मिलियन डलरको स्थानान्तरणलाई थुप्रै लेजेण्डका ट्रान्सफर भन्दा अगाडि राख्यो। रोनाल्डो १८ वर्षको थिए जब उनी युनाइटेडमा आएका थिए र उनलाई त्यतिबेलाको अविश्वसनीय कच्चा प्रतिभा मानिन्थ्यो।

युनाइटेडमा उनले आफ्नो पूरा क्षमताको प्रदर्शन गर्दै ३ प्रिमियर लिग उपाधि र एक च्याम्पियन्स लिग उपाधि जित्न सफल भए। २००९ मा रोनाल्डो ८० मिलियन युरोमा रियल म्याड्रिड प्रस्थान गरे।

स्काई स्पोर्ट्सका टम ह्वाइटले खुलासा गरे, “जब उनी म्यानचेस्टर आए मलाई लागेको थियो कि युनाइटेडको लागि उनी खराब ट्रान्सफर थिए। तर म अब त्यस्ता शब्द सुन्न पनि चाहन्न।”

सर्वेक्षणमा रोनाल्डो शीर्षमा आए पनि इंगलिस् फुटबलमा उनले दोस्रो स्थानमा रहेका थियरी हेनरीको भन्दा कम समय बिताए। हेनरी १९९९ मा आर्सेनलमा सामेल भए र अर्सेन वेन्जरको टिमको केन्द्र बिन्दु बन्न पुगे।