बार्सिलोनालका कप्तान लियोनल मेस्सीले एकै क्लबका लागि सबैभन्दा धेरै गोल गर्ने पेलेको रेकर्ड तोडेको कुरा ब्राजिलियन क्लब सान्तोसले अस्विकार गरेको छ।
गत हप्ता रियल भालाडोलिड विरुद्धको खेलमा मेस्सीले गरेको गोल बार्सिलोनाको लागि उनको ६४४ औं गोल थियो, जुन एक किर्तिमान बन्यो। यसअघि यो रेकर्ड ब्राजिलियन दिग्गज पेलेको नाममा थियो। पेलेले सान्तोसको लागि ६४३ गोल गरेका थिए।
तर सान्तोसले भने मैत्रीपूर्ण खेलमा गरेको गोल पनि गणना गर्नु पर्ने बताएको छ। मैत्रीपूर्ण खेलको गोल पनि गन्नु पर्ने जसले गर्दा उक्त रेकर्ड पेलेको नाममा रहने सान्तोसले दाबी गरेको छ। जसअनुसार पेलेले सान्तोसको लागि १०९१ गोल गरेको क्लबको भनाई छ।
क्लबको आधिकारिक वेबसाइटमा प्रकाशित एउटा लामो बयानमा ब्राजिलियनहरू यसो भन्छन्: “उनीहरूले आज बहिष्कार गर्न खोजेका ४४८ गोलहरू पेलेले त्यो समयमा शीर्ष क्लबहरू विरुद्ध गरेको गोल थिए। पेलेले क्लब अमेरिका (मेक्सिको) र कोलो कोलो (चिली) विरुद्धको खेलमा ९-९ गोल गरे। उनले १०६० दशकको सर्वश्रेष्ठ युरोपेली क्लबहरू मध्ये एक इन्टर मिलान विरुद्ध पनि ८ गोल गरेका छन्।”
“सूची अपार छ र ठूला क्लबहरूसँग: रिभर प्लेट, बोका जुनियर, रेसिङ, यूनिभसिडाड डे चिली, रियल म्याड्रिड, युभेन्टस, लाजियो, नेपोली, बेनिफिका र एन्डर्लेक्ट। बार्सिलोना आफै, जहाँ मेस्सी खेल्छन्, पनि पेलको शिकार मध्ये एक थियो: चार गोल, चार खेलमा।”
“केहि विश्लेषकहरूको तर्क यो छ कि मैत्री खेलहरूमा गोल भएका यी ४४८ गोलहरू कमजोर विपक्षीहरू विरूद्ध थिए, जस्तै साना टिम वा क्षेत्रीय टीमहरू। तैपनि, ती खेलहरू आधिकारिक जर्सीमा खेलिएको, आधिकारिक कानूनको साथ खेलाइएको थियो र आधिकारिक रूपमा मान्यताका साथ खेलिएको थियो।
“हामीले यो कुरा बिर्सनु हुँदैन कि क्लबहरू क्षेत्रीय र राष्ट्रिय संघहरूको स्वीकृतिले मात्र मैत्रीपूर्ण खेल खेल्न पाउँछन्। यो विश्व फुटबलको आयोजक, फिफा द्वारा लगाइएको एक नियम हो।”
“तथ्यांक संलकन गर्नको लागि विपक्षीको ताकत झैं, व्यक्तिपरक विशेषताहरूलाई ध्यानमा राख्नु उपयुक्त छैन। संख्याहरू निरपेक्ष छन्। आइबार विरुद्ध गरेको गोल सांख्यिकीय रुपमा भलेन्सियाको विरुद्ध गरेको एक गोलको बराबर हुन्छ भने ट्रान्सभाल विरुद्ध गरेको गोल रियल म्याड्रिडको विरुद्ध गरेको एक गोल बराबर हुन्छ।”
यस बीचमा, पेलेले भने यो रेकर्ड तोडेकोमा मेस्सीलाई पहिले नै बधाई दिइसकेका छन्।
