दीपिका-रणवीर, प्रियंका-निक, सोनम-आनंद पछि अब वरुण धवन र नताशा दलालको नाम पनि बलिउडको विवाहित जोडीको सूचीमा थपिएको छ। अब वरुण-नताशा पछि फ्यान्स उत्सुकतासाथ बलिउडका अन्य स्टार जोडीको विवाहको लागि पर्खिरहेका छन्। यस्तोमा आज हामी तपाईंलाई यस्ता स्टार दम्पतीको बारेमा बताउँछौं जसको विवाहको शुभ समाचार सुन्न दर्शक अति उत्सुक छन्।
रणबीर कपूर-आलिया भट्ट
रणबीर र आलियाको प्रेम अहिले बलिउडमा चर्चाको विषय बनेको छ। फिल्म ‘ब्रह्मास्त्र’ को शुटिंगको क्रममा एक अर्काको नजीक आएका आलिया र रणबीर प्रायः एक अर्कासँग समय बिताउँछन्। यस्तोमा यी दुईको विवाह सबै दर्शकको चासोको विषय बनेको छ।
श्रद्दा कपूर-रोहन श्रेष्ठ
बलिउड अभिनेत्री श्रद्धा कपूरले आफ्नो निजी जीवनलाई मिडिया लाइमलाइटबाट टाढा नै राख्छिन्। यस्तोमा फ्यान्स श्रद्दाको प्रेम जीवनको बारेमा थाहा पाउन असमर्थ छन्। यद्यपि रोहन श्रेष्ठसँग उनको विवाहको समाचार अहिले धेरै चर्चामा छ।
अली फलाज-ऋचा चड्डा
अली र रिचाको प्रेम सारा संसारलाई थाहा छ। खबरका अनुसार यी दुईले २०२० मा विवाह गर्न लागेका थिए, तर कोरोनाका कारण उनीहरूले विवाह गर्न सकेनन्। अब प्रशंसकहरू यस बर्ष उनीहरूको विवाहको पर्खाइमा छन्।
अर्जुन कपूर-मलाइका अरोरा
बलिउड अभिनेता अर्जुन कपूर र अभिनेत्री मलाइका अरोराको विवाहको खबर कहि वर्ष देखि चलिरहेको छ। यी दुई जोडी लामो समय देखि लिभ-इनमा रहेको बताइन्छ। अब दर्शकमा यी दुईको विवाहको खबरको बारे उत्सुकता रहेको छ।
सुष्मिता सेन-रोहमान शल
पूर्व मिस युनिभर्स तथा अभिनेत्री सुष्मिता सेन र मोडेल रोहमान शालको विवाहको खबर पनि निरन्तर चर्चामा रहँदै आएको छ। सुष्मिता र रोहमानले आफ्नो प्रेम फ्यान्सको माझमा पनि सार्वजनिक गरिसकेका छन्।
