काठमाडौं – फरवार्ड सावित्रा भण्डारीको १२ गोल मद्दतमा विभागीय नेपाल एपिएफ क्लबले राष्ट्रिय महिला लिगमा चौदन्डीगढी नगरपालिका उदयपुरमाथि २२–० को फराकिलो जित निकालेको छ ।
एपिएफको जितमा सावित्राले १२ गोल गरेको खेलमा कप्तान अनु लामाले ५,अनिता बस्नेतले ह्याट्रिक,सरु लिम्बु र रेनुका नगरकोटीले समान १ गोल गरेका थिए । एक पक्षीय बनेको खेलमा एपिएफले पहिलो हाफमा नै १२–० को फराकिलो अग्रत लिदा दोस्रो हाफमा १० गोल गरेको थियो ।
एन्फा कम्प्लेक्समा सोमबार भएको खेलमा एपिएफले खेलको पाँचौ मिनेटमा सावित्रा भण्डारीको गोलबाट खाता खोलेको थियो । आठौं मिनेटमा अनिता बस्नेतले गोल गर्दै एपिएफको अग्रता दोब्बर पारिन् । ११औं मिनेटमा अनु लामाले गोल गर्दै एपिएफलाई ३–० ले अघि बढाइन् ।
१४औं मिनेटमा अनुले गोल गरेपछि एपिएफ ४–० ले अघि बढ्यो । । १८औं मिनेटमा टोलीका लागि पाँचौं गोल गरिन्। २०औं मिनेटमा अनुले ह्याट्रिक पुरा गर्दै एपिएफलाई ६–० ले अघि बढाइन् ।
२६औं मिनेटमा अनुले व्यक्तिगत चौथो गोल गरिन्। ३१औं मिनेटमा रेनुका नगरकोटीले गोल गर्दै खेललाई ८–० को फराकिलो स्थितिमा ल्याइन् । ३२औं मिनेटमा सावित्रा भण्डारीले गोल गर्दै खेललाई ९–० को स्थितिमा ल्याइन् ।
३३औं मिनेटमा सावित्राले गोल गर्दै ह्याट्रिक पुरा गर्दा एपिएफलाई १०–० ले अघि बढाइन् । ३४औं मिनेटमा सावित्राले व्यक्तिगत चौथो गोल गर्दै खेललाई ११–० को स्थितिमा ल्याइन् । ३८औं मिनेटमा सावित्राले व्यक्तिगत पाँचौ गोल गर्दै खेललाई १२–० ले अघि बढाइन् ।
४७औं मिनेटमा सावित्राले दोहोरो ह्याट्रिक पुरा गर्दै खेललाई १३–० को स्थितिमा पु¥याइन् । ४९औं मिनेटमा अनिता बस्नेतले गोल गर्दै एपिएफलाई १४–० ले अघि बढाइन् । ५५औं मिनेटमा सावित्राले व्यक्तिगत सातौ गोल गर्दै एपिएफलाई १५–० ले अघि बढाइन् । ६२औं मिनेटमा सावित्राले व्यक्तिगत आठौं गोल गर्दै एपिएफलाई १६–० ले अघि बढाइन् ।
६४औं मिनेटमा सावित्राले तेहोरो ह्याट्रिक पुरा गर्दै एपिएफलाई १७–० ले अघि बढाइन् । ६५औं अनु लामाले गोल गर्दै एपिएफलाई १८–० ले अघि बढाइन् । ६७औं मिनेटमा अनिता बस्नेतले ह्याट्रिक पुरा गर्दा एपिएफ १९–० ले अघि बढ्यो । ७२औं मिनेटमा सावित्राले पेनाल्टीमा गोल गर्दै टोलीलाई २०–० ले अघि बढाइन् ।
७९औं मिनेटमा सावित्राले व्यक्तिगत ११औं गोल गर्दै एपिएफलाई २१–० ले अघि बढाइन् । इन्ज्युरी समयको थप गरिएको तेस्रो मिनेटमा सावित्राले व्यक्तिगत १२औं गोल गर्दै एपिएफलाई २२–० को फराकिलो जित दिलाइ्न । सावित्राले लिगमा २४ गोल गर्दै सर्वाधिक गोलकर्ताको अग्रस्थानमा रहेकी छन् । उनलाई पछ्याइरहेको चन्द्रपुरकी रुथको ७ गोल रहेको छ ।
यो जितसँगै अपराजित रहेर एक गोल पनि नखाएको एपिएफको ६ खेलबाट १८ अंक पुगेको छ । एपिएफले दोस्रो स्थानको विभागीय त्रिभुवन आर्मी फुटबल क्लबलाई ८ अंकले पछि पारेको छ ।
