काठमाडौँ – बुधबार बिहानै राजधानीको माइतीघर मण्डलामा बम फेला परेको छ। माइतीघर मण्डलास्थित सेन्टजेभियर्स कलेज अगाडि सकेट बम फेला परेको हाे ।
शंकास्पद वस्तु फेला परेको जानकारी पाएसँगै माइतीघर पुगेको नेपाली सेनाको बम डिस्पोजल टोलीले शंकास्पद वस्तु सकेट बम भएको पत्ता लगाएको हो।
उक्त सकेट बम सेनाको डिस्पोजल टोलीले बुधबार बिहानै निष्क्रिय परिसकेको महानगरीय प्रहरी कार्यालय, रानीपोखरीले जनाएको छ। प्रहरीका अनुसार बम भेटिएको ठाउँमा पर्चाहरु भेटिने गरेको भएता पनि यसपटक भने त्यस्तो केहि भेटिएको छैन।
पर्चा नभेटिएको कारण बम कसले राक्यो भन्ने बारे केहि नखुलेको प्रहरीले जनाएको छ। यस बारे प्रहरीले अनुसन्धान अगाडी बढाइसकेको छ।
