एजेन्सी – रणवीर सिंह बलिउडका शीर्ष अभिनेताहरुमा गनिन्छन्। उनले काम गरेका पछिल्ला धेरै चलचित्रहरु सफल भएका छन्। ‘रामलीला’, ‘बाजीराव-मस्तानी’ र ‘पद्मावत’ जस्ता चलचित्रमा काम गरेर उनले आफ्नो अभिनय क्षमतालाई प्रमाणित गरिसकेका छन्।
चलचित्रका अलावा रणवीर नायिकाहरुसँगको अफेयरका कारण पनि चर्चामा रहे। सन् २०१८ मा दीपिका पादुकोणसँग विवाह गर्नु अगाडी उनको कयौं नायिकाहरुसँग नाम जोडियो। विवाह अगाडी रणवीरको चक्कर चलेका केहि नायिका बारे यहाँ आज चर्चा हुँदैछ।
अहाना देओल
कुनै एक समयमा रणवीरले हेमा मालिनी र धर्मेन्द्रकी प्यारी छोरी अहाना देओललाई डेट गरेका थिए । यस्तो बताइन्छ कि कलेज पढ्ने समयमा रणवीर र अहाना प्रेम सम्बन्धमा थिए। तर, आदित्य रोय कपूरका कारण यी दुईको प्रेमसम्बन्ध टुटेको थियो।
अनुष्का शर्मा
रणवीरले फिल्म ‘बैंड बाजा बारात’ बाट बलिउड डेब्यू गरेका थिए। त्यस चलचित्रमा अनुष्का शर्मा पनि मूख्य भूमिकामा थिइन्। चलचित्र छायाँकनकै क्रममा रणवीर र अनुष्का बीच प्रेम सम्बन्ध शुरु भएको थियो। तर, विभिन्न कारणले गर्दा यी दुईको सम्बन्ध थप अगाडी बढ्न सकेन। पछि अनुष्काको विराट कोहलीसँग प्रेम भयो र पछि विवाह पनि।
परिणीति चोपडा
रणवीर र परिणीतिले ‘लेडीज vs रिक्की बहल’ र ‘किल दिल’ फिल्महरूमा सँगै काम गरे। सो समयमा ती दुई प्रेम सम्बन्धमा रहेको खबरहरु आएका थिए। तर, दुवैले आफूहरु प्रेम सम्बन्धमा रहेको स्वीकार भने कहिले पनि गरेनन्।
सोनाक्षी सिन्हा
रणवीरसँग जोडिएको अर्को नाम हो – सोनाक्षी सिन्हा। सन् २०१३ मा आएको चलचित्र लूटेरामा सोनाक्षी सिन्हा मुख्य भूमिकामा थिइन। चलचित्र रिलिज हुनुभन्दा अगाडी नै यी दुई प्रेम सम्बन्धमा रहेको खबर आएको थियो। यति मात्र होइन, एक अन्तर्वार्तामा रणवीरले सोनाक्षीसँग डेट जाने इच्छा समेत व्यक्त गरेका थिए।
