काठमाडौँ, बैशाख १५ । चलचित्र ‘रणवीर’ बाट डेब्यू गरेकी नायिका सुपुष्पा भट्टले इन्गेजमेन्ट गरेकी छिन् । नायिका सुपुष्पा र निर्माता रौनक विक्रम कंडेलबीच बुधबार औंठी साटासाट भएको हो । केही समय यता डेटिङमा रहेका यस जोडीले पारिवारिक सदस्य र केहि फिल्मकर्मीको उपस्थितिमा सुटुक्क इन्गेजमेन्ट गरेका छन्।
बुझिएअनुसार सुपुष्पा र रौनकबिच यसै वर्ष बिहे हुँदैछ तर बिहे मिति भने तय भएको छैन । नायिका सुपुष्पाले ‘छ माया छपक्कै मा अभिनय गरेकी छिन् । उनले अभिनय गरेको चलचित्र चपली हाइट ३’ प्रदर्शनको पर्खाइमा छ । त्यस्तै रौनकले कबड्डी, कबड्डी कबड्डी र मिस्टर झोले जस्ता चलचित्र निर्माण गरेका छन् ।
