एजेन्सी, अमेरिकाको फ्लोरिडामा आयोजना भएको ‘मिस यूनिभर्स २०२०’ को प्रतियोगीतामा मेक्सिकोकी सुन्दरी एन्ड्रिया मेजाले ताज जितेकी छिन् । उनलाई पूर्व मिस यूनिभर्स जोजिबिनी टुन्जीले ‘मिस यूनिभर्स २०२०’ को क्राउन लगाईदिएकी हुन्। एन्ड्रिया मेजा सफ्टवेयर इन्जिनियरिङमा डिग्री हासिल गरेकी छिन्।
‘यदि तपाई देशको लिडर हुनुभयो भने कोभिड-१९ नियन्त्रण गर्न कस्तो कदम चाल्नुहुन्छ भन्ने प्रश्नमा एन्ड्रिया मेजाले उत्कृष्ट जवाफ दिदै उपाधी जितेकी हुन् । यो प्रतियोगीतामा नेपालकी ‘मिस यूनिभर्स नेपाल २०२०’ को उपाधि जितेकी २४ वर्षिय अन्शिका शर्माले पनि नेपालको प्रतिनिधित्व गर्दै सहभागीता जनाएकी थिइन् । तर उनले उत्कृष्ट २१ मा समेत पर्न सकिनन्।
‘मिस यूनिभर्स २०२०’ मा ब्राजिलकी जुलिया गामा फस्ट रनरअप, पेरुकी ज्यानिक मासेटा सेकेन्ड रनरअप भएकी छिन् ।
