एजेन्सी । बलिउडको फिल्म उद्योग आफैमा पनि भारतको निकै ठूलो ब्यापार गर्ने उद्योग अन्तर्गत पर्छ। त्यसै कारण पनि यो उद्योगमा क्रियासिल यस्ता धनी अभिनेत्रीहरुपनि छन्, जसले आफ्नो निजी विमान मात्र चढ्ने गर्छन् । ती अभिनेत्रीहरु कतै बिदा मनाउन जान पर्यो भने आफ्नै निजी विमानमा सरसर उड्ने गर्छन्।
यी हुन्, बलिउडका निजी विमान चढ्ने नायिकाहरु…
सन्नी लियोनी
यस लिस्टमा पहिलो नाम आउँछ, पूर्वपोर्नस्टार र वर्तमान बलिउड नायिका सन्नी लियोनीको । अमेरिका छाडेर पति ड्यानियलका साथ तीन बच्चासँग भारतमा बसिरहेकी सन्नीलाई थप परिचयको खाँचो छैन ।
उनी आफ्नो स्टारडमले फिल्म सफल बनाउनेसम्मको हिम्मत राख्छिन् । सन्नी र उनका पति ड्यानियल वैबरसँग आफ्नै विमान छ । जसमा उनीहरू कहिलेकाहीँ बिदा मनाउन निस्किने गर्छन् ।
प्रियंका चोपडा
बलिउडदेखि हलिउडसम्म नाम कमाइरहेकी प्रियंका चोपडा महँगो पारिश्रमिक लिने अभिनेत्रीमा पर्छिन् । प्रियंकाले आफ्नो क्षमता र मिहिनेतका कारण यति ठूलो सफलता हात पारेकी छिन् कि जहाँ उनलाई कुनै भौतिक सुखको अभाव छैन ।
कामको नतिजास्वरूप अहिले उनीसँग निजी जेट विमान छ । विमान यात्राका दौरान निकै मस्ती गरिरहेको तस्बिर तथा भिडियो उनले सार्वजनिक गर्ने गरेकी छिन् ।
शिल्पा शेट्टी
फिटनेसका कारण संसारभर चर्चित अभिनेत्री शिल्पा शेट्टीसँग पनि निजी जेट विमान छ । १९९० को दशकमा हिट फिल्म दिएकी उनले बिजनेस म्यान राज कुन्द्रासँग २००९ मा विवाह गरेकी थिइन् । उनका पति नामुद व्यापारी हुन् ।
उनीहरू निजी जेटमा छुट्टि मनाउन बाहिर जाने गरेका छन् ।
