एजेन्सी – यस सिजनको युरोपियन गोल्डेन बुट जर्मन क्लब बायर्न म्युनिखका पोलिस फरवार्ड रोबर्ट लेवान्डोस्कीले जितेका छन् ।
उनले क्याटलान क्लब बार्सिलोनाका लियोनेल मेस्सी र इटालियन क्लब युभेन्टसका क्रिस्टियानो रोनाल्डोलाई पछि पार्दै यस सिजनको युरोपियन गोल्डेन बुट जित्न सफल भएका हुन् ।
मेस्सी र रोनाल्डोलाई गत सिजन इटालियन क्लब लाजियोको सिरो इमोविलेले पनि पछि पार्दै गोल्डेन बुट जितेका थिए । युरोपियन गोल्डेन बुट जित्ने क्रममा ३२ वर्षीय लेवान्डोस्कीले जर्मन बुन्डेसलिगामा कुल ४१ गोल गरे । उनले एकै सिजन बायर्नका लागि सर्वाधिक गोल गर्ने गर्ड मुलरको ४७ वर्षको कीर्तिमानसमेत भंग गरेका थिए । मुलरले एक सिजनमा ४० गोलको कीर्तिमान राखेका थिए ।
लेवान्डोस्कीले ८२ अंक प्राप्त गरे । युरोपका शीर्ष ५ डिभिजनमा एक गोलको २ अंक भार हुने गर्दछ । अन्य लिगको १.५ अंक भार राखिएको छ ।
गोल्डेन बुटका शीर्ष १५ खेलाडी
१५. डुसान भ्लाहोभिक (फियोरेन्टिना) २१×२= ४२ अंक
१४.लुइस सुआरेज (एट्लेटिको म्याड्रिड) २१×२= ४२ अंक
१३. पउल अनुएचु (जिन्क) २९×१.५ = ४३.५ अंक
१२. मोहम्मद सलाह (लिभरपुल) २२×२= ४४ अंक
११.लुइस मुरेइल (एटलान्टा) २२×२= ४४ अंक
१०. ह्यारी केन (टोटेनहम) २३×२= ४६ अंक
९. जेरार्ड मोरेनो (भिल्लारियल) २३×२= ४६ अंक
८. करिम बेन्जेमा (रियल म्याड्रिड) २३×२= ४६ अंक
७. रोमेलु लुकाकु (इन्टर मिलान) २४×२= ४८ अंक
६. केलियन एमबाप्पे (पीएसजी) २७×२= ५४ अंक
५. एर्लिङ हालान्ड (डर्टमुन्ड) २७×२= ५४ अंक
४. आन्द्र सिल्भा (फ्रान्कफुर्ट) २८×२= ५६ अंक
३.क्रिस्टियानो रोनाल्डो (युभेन्टस) २९×२= ५८ अंक
२.लियोनेल मेस्सी (बार्सिलोना) ३०×२= ६० अंक
१.रोबर्ट लेवान्डोस्की (बायर्न) ४१×२= ८२
