काठमाडौँ, साउन २८ । चलचित्र ‘कबड्डी कबड्डी कबड्डी’ को शिर्ष गीत सार्वजनिक भएको छ । गायक तथा संगीतकार कालीप्रसाद बाँस्कोटाले यसपटक निकै फरक शैलीको र्याप गीत ल्याएका छन् । ‘कबड्डी कबड्डी कबड्डी’ बोल रहेको यस र्याप गितलाई कालीप्रसाद बाँस्कोटा र अनुपम शर्माले मिलेर लेखेका हुन् । भिडियोमा काली प्रसाद बास्कोटा र अनुपम शर्मा लगायतका कलाकारको अभिनय रहेको छ । सञ्जिप राई र बलराम बुढाथोकीको छायाकंन रहेको यस भिडियोमा विजु कर्माचार्यको सम्पादन तथा निर्देशन रहेको छ ।
रामबाबु गुरुङको निर्देशनमा बनेको यस फिल्ममा कर्मा शाक्य, दयाहाङ राई, उपासना सिंह ठकुरी , विल्सन विक्रम राई, बुद्धि तामाङ, माओत्से गुरुङ, विजय बराल, रिश्मा गुरुङ, पुस्कर गुरुङ, कविता आले, लुनिभा तुलाधर, अरुणा कार्की, कमलमणी नेपाल लगायतका कलाकारहरुले अभिनय गरेका छन् । चलचित्र असोज ३ गते रिलिज हुदैँछ ।
