बलिउड अभिनेता शाहरुख खानले अहिलेसम्मको करियरमा थुप्रै सफल चलचित्र दिएका छन् । पछिल्लो केहि समय देखि शाहरुखलाइ कुनै पनि फिल्ममा देखिएको छैन । हालै शाहरुखले अभिनेत्री आलिया भट्टसँग काम मागेका छन् ।
बलिउड कलाकार आलिया भट्ट सधै उनको अभिनयको कारण दर्शक तथा समिक्षकको मन जित्न सफल छिन् । अब आलिया फिल्म निर्माताको रुपमा जोडिएकी छन् । यस्तो अवस्थामा अभिनेता शाहरुख खानले आलियासँग कामको लागि विशेष अनुरोध गरेका छन् ।
वास्तवमा अलियाले हालसालै उनको ट्वीटर मार्फत उनको आगामी फिल्म ‘डार्लिंग’ को पहिलो दिनको सुटिङ्गको तस्बिर सार्वजनिक गरेको छिन् ।
तस्बिर पोस्ट गर्दै आलिया क्याप्सनमा लेख्छिन् ‘डार्लिंगको सुटिंगको क्रममा पहिलो दिन प्रोड्युसरको रुपमा, तर म सधै एक्लो एक कलाकार हु। यस समयमा म निकै नर्भस छु।’
आलियाको ट्विट शेयर गर्दै शाहरुखले मजाकको रुपमा लेखेका छन, ‘यस प्रोडक्शनपछि प्लिज आफ्नो आगामी होम प्रोडक्शनमा मलाई पनि साइन गर्नुस। म शूटिंगको लागि समयमा आउनेछु र निकै प्रोफेशनल पनि रहनेछु’ भन्दै वाचा गरेका छन्।
त्यसपछि अलियाले शाहरुखको जवाफ दिदै लेख्छिन, हाहाहा… यस भन्दा अरु म केहि माग्न पनि सक्दिन। डिल डन, तपाइलाइ हस्ताक्षर गरे। मेरो मनपर्ने मान्छेलाई धेरै माया।’
आलियाको यस कमेन्टलाइ उनको फ्यानहरुले खुबै मनपराएको छन् । फिल्म ‘डार्लिंग’ साहरुख खानको रेड चिलीजको ब्यानरमा बन्दैछ । यस फिल्ममा आलिया पनि प्रोड्युस गर्दै छिन् । बलिउडको यी दुइ जोडीको फिल्मलाइ लिएर फ्यानहरु निकै उत्साहित भएको छन् ।
