सबै प्रकारको भौतिक सुखको कारक शुक्र ग्रह हिजोबाट सिंह राशिमा प्रवेश गरिसकेको छ। यस राशिमा शुक्र ११ अगस्ट सम्म विराजमान रहनेछ। ज्योतिषशास्त्रमा शुक्र ग्रहलाई कला, सौन्दर्य, यौन-अभिलाषा, समृद्धि, वैभव आदिको कारक मानिन्छ। यो तुला र वृष राशिको स्वामी ग्रह पनि हो। शुक्र ग्रह सिंह राशिमा प्रवेश गर्नु ५ राशिका मानिसको लागि निकै शुभ रहनेछ। यी राशि यस प्रकार छन्…..
वृष राशि
शुक्रको यो गोचर वृष राशिका मानिसको लागि शुभ रहनेछ। घर जग्गा सम्बन्धी समस्याको समाधान हुनेछ। यदि तपाईं घर वा वाहन किन्न खोज्दै हुनुहुन्छ भने पनि समय अनुकूल रहनेछ। साथी-भाई तथा परिवारका सदस्यबाट शुभ खबर प्राप्त हुनेछ। आमा बुबाको स्वास्थ्यको भने विशेष ख्याल राख्नुहोस्। पूरा नभएसम्म कुनै पनि काम सार्वजनिक नगर्नुहोस्।
मिथुन राशि
तपाईंको साहस तथा पराक्रम बढ्नेछ। तपाईंको निर्णय र कार्यहरूको पनि सराहना गरिनेछ। परिवारका वरिष्ठ सदस्यहरू र भाइहरूसँग मतभेद उत्पन्न हुन नदिनुहोस्। कार्यक्षेत्रमा पदोन्नतीको योग रहनुका साथै मान-सम्मान पनि बढ्नेछ। समय व्यापारका लागि तुलनात्मक रूपमा राम्रो रहनेछ। विवाहसँग सम्बन्धित कुराकानीहरू पनि सफल हुनेछन्।
कर्कट राशि
तपाईंको आर्थिक पक्ष मजबूत हुनेछ। आकस्मिक धन लाभको सम्भावना रहेको छ। कसैलाई लामो समयको लागि दिएको पैसा पनि फिर्ता आउन सक्छ। बोलीमा भने नियन्त्रण राख्नुहोला। परिवार र सामाजिक जिम्मेवारीहरू वृद्धि हुनेछन्। स्वास्थ्यको दृष्टिकोणबाट, पाचन प्रणाली, मुटु र आँखा सम्बन्धी समस्याले सताउन सक्छ, सजग रहनुहोला।
तुला राशि
शुक्रको गोचर तपाईंको लागि शुभ रहनेछ। सरकारी क्षेत्रका मानिसले यो समयमा विशेष सफलता प्राप्त गर्न सक्छन्। परिवारका वरिष्ठ सदस्यहरू र भाइहरूबाट पनि सहयोगको आशा राख्न सकिन्छ। सन्तान सम्बन्धि चिन्ताबाट मुक्ति मिल्नेछ। नव दम्पतिको लागि सन्तान प्राप्तिको योग रहेको छ।
कुम्भ राशि
यस अवधिमा कार्य व्यापारमा विशेष सफलता प्राप्त गर्न सकिनेछ। सरकारी क्षेत्रनमा निकै प्रतिक्षित कार्य सम्पन्न हुनेछ। प्रेम सम्बन्धमा प्रगाढता आउनेछ। यदि तपाईं प्रेम विवाह गर्न चाहानुहुन्छ भने पनि अवसर अनुकूल छ। सन्तान सम्बन्धि चिन्ताबाट मुक्ति मिल्नेछ। नव दम्पतिको लागि सन्तान प्राप्तिको योग रहेको छ।
