एजेन्सी – फ्रेन्च क्लब पेरिस सेन्ट जर्मेन(पिएसजी)का अर्जेन्टिनी खेलाडी एन्जल डी मारियाले लियोनेल मेस्सी छुट्टै श्रेणीको खेलाडी रहेको दावी गरेका छन्। मेस्सीसँग कयौं वर्ष देखि खेल्दै आएका डी मारियाले आफ्नो अनुभव एक मिडियालाई सुनाउँदै मेस्सी छुट्टै श्रेणीको खेलाडी रहेको बताएका हुन्।
मेस्सीको प्रशंसामा उत्रिएका उनले मेस्सीले ढुंगालाई पनि रोक्न सक्ने र सामान्य रुपमा खेलाउन सक्ने डी मारियाले बताए। मेस्सी अरुले सोच्नु भन्दा अगाडी नै सोच्ने डी मारियाको भनाई छ।
“मेस्सी छुट्टै श्रेणीका हुन्। यदि तपाई ढुंगा फ्याँक्नु हुन्छ भने पनि त्यो केहि होइन जसरी उनले रोक्छन्। मेस्सी अरुले सोच्नु अगाडी नै सोचिसक्छ्न्।”,डी मारियाले भने।
क्रिस्टियानो रोनाल्डो, नेयमार, किलियन् एम्बाप्पे, वायन रुनी, रोबिन भान पर्सी, ज्लाटन इब्राहिमोविच, करीम बेन्जेमा, ग्यारेथ बेल जस्ता खेलाडीसँग खेलिसकेको उल्लेख गर्दै डी मारियाले मेस्सी अन्य खेलाडी भाँडा धेरै नै फरक रहेको बताए। मेस्सी धेरै नै अद्वितीय रहेको उनको दावी छ।
अन्तर्वार्तामा उनले भनेका छन्,”मैले मेस्सी जस्तो खेलाडी देखेकै छैन। मैले क्रिस्टियानो, नेयमार, एमबाप्पे, रुनी, भान पर्सी, इब्राहिमोविच, बेन्जेमा, बेल जस्ता सबै खेलाडी सँग खेलेको छु। तर मैले मेस्सी जस्तो खेलाडी कहिल्यै भेटेको छैन।”
यस्तै डी मारियाले मेस्सीसँग खेल्न आफूलाई धेरै सहज लाग्ने पनि बताएका छन्। मेस्सीले खुट्टामै बल दिने हुँदा धेरैलाई मेस्सीसँग खेल्न सहज लाग्ने उनले बताए।
उनले भने,”लियो केहि अद्वितीय छन्। उनीसँग खेल्न मलाई धेरै सहज लाग्छ। यदि तपाई दौडिरहनुभएको छ भने पनि उनी खुट्टामै बल दिन्छन्। मेस्सीसँग मेरो मैदान भित्र र बाहिर धेरै राम्रो सम्बन्ध छ।”
