एजेन्सी – बार्सिलोनामा लिओनल मेस्सीले खेलाडीका रुपमा जुन कीर्तिमान बनाएका थिए । उनको जस्तो प्रदर्शन अर्को खेलाडीले दोहोराउन कठिन देखिन्छ । झन्डै २ दशक क्लबको बसाईमा मेस्सीले क्लबलाई र आफूलाई बेग्लै उचाईमा पुर्याए ।
जहाँ उनले जर्सी नं १० लगायर आफ्नो यात्राको अन्त्य गरेका थिए । त्यहि नम्बरको जर्सी क्लबमा लगाउन अन्य खेलाडीले भने आँट गरेको देखिन्न । मेस्सीले बनाएको त्यो उचाईका कारण उनले लगाएको जर्सी नम्बर लगाउन अन्य खेलाडीले हिच्किचाएको बुझ्न सकिन्छ ।
मेस्सीका नजिकका साथी रहेको अर्जेन्टिनी फरवार्ड सर्जियो अगुएरोले १० नम्बर जर्सी नलगाउने भएका छन् । उनले १९ नम्बर जर्सी लगाउने भएका छन् । १० नम्बर जर्सी कसैले लगाउँदै भन्ने प्रश्नमा बार्सिलोनाका रक्षक जेरार्ड पिकेले भनेका छन्, ‘कसैले त्यो आट गरेका छैनन् । कसैले त लगाउनु पर्छ भन्ने हो । मैले अगुएरोलाई भनेको थिए । तर उनी त्यसमा पक्का हुन सकेनन् ।’ अहिले समाजिक सञ्जालमार्फत अगुएरोले आफूले प्रयोग गर्ने जर्सी १९ सार्वजनिक गरेका छन् ।
