एजेन्सी – स्पेनिस ला लिगाको दोस्रो राउन्डको खेलमा आज राति विभिन्न चार खेलमा प्रतिस्पर्धा हुँदा क्याटलान क्लब बार्सिलोना बिल्वाओ पुग्नेछ ।
एथलेटिक बिल्वाओ र बार्सिलोनाबीचको खेल नेपाली समयअनुसार राति १:४५ बजे सान मेमेस वारिया बिल्वाओमा हुनेछ । पहिलो खेलमा एल्चेसँग गोलरहित बराबरीमा रोकिएको बिल्वाओ घरेलु मैदानमा बार्सिलोनालाई स्तब्ध पार्दै नयाँ सिजनको ला लिगामा पहिलो जित दर्ता गर्ने लक्ष्यमा हुनेछ ।
बिल्वाओको टोलीमा इनाकी विलियम्स, इकर मुनिएन, राहुल गार्सिया, एलेक्स बेरेनगुएर, डानी गार्सिया, मिकेल बालेनजियागा, इनिगो मार्टिनेज, यारे अल्भारेज, इनिगो लिकु र गोलरक्षक जुलेन एगिरेजावाला टोलीमा रहेका छन् ।
यता, पहिलो खेलमा रियल सोसिडालाई हराएर सुखद सुरुवात गरेको बार्सिलोना ला लिगामा लगातार दोस्रो जितको खोजीमा हुनेछ । अघिल्लो खेलमा उच्च प्रदर्शन गरेका मार्टिन ब्रेथवेट, मेम्फिस डिपाए र एन्टोइन ग्रिजमन टोलीमा रहेका छन् ।
यस्तै पेड्री, सर्जियो बुस्क्वेट्स, फ्रान्की डि योङ, जोर्डी अल्वा, जेरार्ड पिके, एरिक गार्सिया, सर्जिनो डेस्ट र गोलरक्षक नेटो टोलीमा रहेका छन् । पहिलो रोजाईमा नियमित गोलरक्षक मार्क आन्द टेर स्टेगन प्रशिक्षणमा फर्किएका छन् । इमर्सन रोयल, सर्जी रोबर्टाे, रिकी पुच, युसुप डेमिर, गावी, निको गोन्जालेज, रोनाल्ड एराउजो, क्लेमेन्ट लेङ्लेट र रे मानाज पनि टोलीमा रहेका छन् ।
यि दुई टोलीको पछिल्लो ३५ खेलमो नतिजामा बार्सिलोना २२ खेलमा विजयी भएको छ । बिल्वाओले ६ खेल आफ्नो पक्षमा पार्दा ७ खेल बराबरीमा सकिएको छ । गत सिजन यि दुई टोलीले चार खेल खेल्दा बार्सिलोनाले ३ खेलमा जित हात पारेको थियो । स्पेनिस सुपर कपको फाइनलमा बिल्वाओले अतिरिक्त समयमा बार्सिलोनालाई हराएके थियो ।
अन्य खेल :
एलाभेसविरुद्ध मर्लाेका (राति ८:४५ बजे)
इस्पान्योलविरुद्ध भिल्लारियल (राति ८:४५ बजे)
ग्रानडाविरुद्ध भ्यालेन्सिया (राति ८:४५ बजे)
