एजेन्सी , बलिउड अभिनेता सहिद कपुर अभिनित चलचित्र कबीर सिंह ले बक्स अफिसमा शानदारको व्यापार गर्न सफल भएको छ। चलचित्रको प्रदर्शन पश्चात विभिन्न आलोचना र चर्चा बटुल्न सफल चलचित्र मनोरन्जनात्मक कथावस्तुमा आधारित रहेको बताईएको छ। प्रदर्शन भएको एक साता बित्न लागि सक्दा पनि चलचित्रको शो हाउसफुल भईरहेको छ। यस चलचित्रले प्रदर्शन भएको ५ दिन भित्रै १०० करोडको व्यापार गर्न सफल भएको छ।
चलचित्र वितरक तरण आदर्शले चलचित्रको पाँचौं दिनको कलेक्सन शेयर गरेका छन। चलचित्रले मंगलवार १६.५३ करोडको व्यापार गर्न सफल भएको छ। यसै अनुरुप चलचित्रले हालसम्म १०४.९० करोडको कुल व्यापार गर्न सफल भएको छ। छोटो समयमा नै १०० करोडको क्लबमा सामेल हुन सफल सहिद कपुरको यो पहिलो चलचित्र हो। यसै अनुरुप तरणले चलचित्र कबिर सिंहलाई ब्लकबस्टर घोषित गरेका छन। जुन चलचित्र एकसाथ करिब ३१२३ स्क्रिनमा प्रदर्शन भएको छ।
कबिर सिंह सहिद कपुरको करियरको सबैभन्दा सफल चलचित्र बन्न पुगेको छ। चलचित्रको सफलतासंगै सहिद उत्साहित रहेका छन। विभिन्न समस्या र चुनौतीका बाबजुत चलचित्र सफल चलचित्रहरुको सुचिमा सुचिकृत हुन सफल भएको छ। सहिद कपुर र कियारा आडवाडीको मुख्य भूमिका रहेको चलचित्रलाई सन्दिप बांगाले निर्देशन गरेका हुन्।
