बलिउड अभिनेत्री कट्रिना कैफ पछिल्लो समय चलचित्र भारतलाई लिएर चर्चामा रहेकी छिन। यी दिनमा चलचित्र भारतको विभिन्न खबर बाहिरीरहेको छ। चलचित्रमा कट्रिनाले गरेको भूमिकालाई दर्शकले अत्याधिक मात्रामा रुचाएका छन। चलचित्रले हालसम्म २०० करोडको हाराहारीमा व्यापार गर्न सफल भएको छ। हालसम्म पनि चलचित्र केहि मल्टिस्टारर सिनेमाघरहरुमा प्रदर्शन भईरहेको छ।
हालसालै मात्र कट्रिनाले एक अन्तर्वार्ताका क्रममा आफुले बलिउडबाट केहि समय टाढिएर हलिउड चलचित्रमा काम गर्न चाहेको कुरा बताएकी छिन। मिडिया रिपोर्टका अनुसार कट्रिनाले एक एङ्ग्लिश स्क्रिप्ट पढे पछि चलचित्रमा काम गर्ने फैसला लिएकी हुन्। बलिउड चलचित्र उद्योगमा प्रवेश गर्नुपुर्व कट्रिनाले साउथ फिल्म मार्फत चलचित्र क्षेत्रमा डेब्यु गरेकी हुन्।
जानकारी अनुसार कट्रिनाले ‘अवेंजर्स’ स्टार जर्मी रेनरका साथमा हलिउड चलचित्रमा काम गर्ने बताईएको छ। हाल कट्रिना सूर्यवंशीको छायांकनमा ब्यस्त रहेकी छिन। जसलाई रोहित शेट्टीले निर्देशन गर्दै छन भने चलचित्र सुर्यबंशीमा कट्रिनाका साथमा अक्षय कुमारलाई मुख्य भुमिकामा देखिदै छ।
