काठमाडौँ असार २५, आजभन्दा २ बर्ष अघि निर्माण गरिएको सुदर्शन थापा निर्देशित सुपरहित चलचित्र ‘म यस्तो गीत गाउँछु’ को सिक्वेल ‘म यस्तो गीत गाउछु २’ को निर्माण हुने भएको छ। चलचित्रमा एक पटक फेरी ‘म यस्तो गीत गाउँछु’ बाट चर्चामा आएका पल शाह र पुजा शर्मालाई देखिने भएको छ मंगलवार बिहानै पबित्र तिर्थस्थल मनकामना मन्दिरमा चलचित्रको शुभ मुहुर्त गरिएको हो । जुन कार्यक्रममा अभिनेता पल शाह , अभिनेत्री पुजा शर्मा र निर्देशक सुदर्शन थापा उपस्थित भएका थिए।
आजभन्दा २ बर्ष अगाडी नै निर्देशक थापाले आफ्नो जन्मदिनको अवसरमा चलचित्र ‘म यस्तो गीत गाउँछु २ को निर्माण घोषणा गरेका थिए तथापी चलचित्र बजारमा पल र सुदर्शनको सम्बन्ध बिग्रिएको हल्लाका कारण चलचित्रको निर्माण कार्य नथालिएको बताईएको थियो तर अन्तत यो सबै हल्लालाई हल्लामा नै सिमित राखी चलचित्रमा पल र सुदर्शनले पुन एकसाथ चलचित्रमा काम गर्दै छन। दशै पछि छायांकन हुने चलचित्रका लागि पल र पुजा बाहेक अन्य कलाकारहरु फाइनल भई नसकेको निर्देशक थापाले बताएका छन।
सुदर्शन थापा प्रोडक्सनको ब्यानरमा निर्माण हुन लागेको चलचित्र ‘म यस्तो गीत गाउँछु २’ मा सौरभ लामाको छायांकन र सुदर्शन थापाको निर्देशन रहनेछ भने चलचित्रको गीतमा संगीत भर्ने जिम्मा संगीतकार अर्जुन पोख्रेललाई दिइएको छ।
