साउन ६ भारत, उत्तर प्रदेशको हापुड़ जिल्लाको हाफिजपुरमा जन्ती बोकेको बस दुर्घटनाग्रस्त हुँदा बसमा सवार नौ जनाको घटनास्थलमा नै मृत्यु भएको छ भने अन्य १८ जना घाइते भएका छ। मृत्यु हुनेमा अधिकांश बाल बच्चा रहेका छन।
प्रहरीले जानकारी दिए अनुसार आइतवार राती बेहुलीको घरबाट जन्ती लिएर बेहुलाको घरतर्फ फर्किदै गर्दा सो घटना घटेको हो। रातको करिब ११ बजेतिर घर फर्कदै गरेको बसलाई बिपरित दिशाबाट आइरहेको ट्रकले ठक्कर दिएको हो। ठक्कर दिए पश्चात नै घटनास्थलमा ९ जनाको मृत्यु भएको र अन्य १८ जना भने घाइते भएका हुन्। बसलाई ठक्कर दिएर ट्रक चालक भने फरार रहेका छन।
दुर्घटनामा परि घाइते भएकाहरुलाई नजिकैको अस्पतलमा उपचारका लागि लगिएको छ भने घाइतेमध्ये केहीको अवस्था चिन्ताजनक रहेको बताईएको छ।
