काठमाडौँ साउन ०६ , विशारद बस्नेत र मिराज रोष निर्देशनमा तयार गरिएको कमेडी चलचित्र ‘न यता न उता’ को अफिसियल पोस्टर सार्वजनिक गरिएको छ।
चलचित्रको सार्वजनिक पोस्टरमा सबै कलाकारलाई समान स्थान दिइएको छ। मिराज रोषको कथा पटकथा र अभिमन्यु निरभीको संवाद रहेको चलचित्रका कार्यकारी निर्माता भने ओम गुरुङ र रिना लामा रहेका छन्। यसका साथै चलचित्रमा अमित अर्याल, बेनकण्ठ मकाजु, विजय अवाले, विनिता अधिकारी, डाक्टर निराजन प्रधान, प्रतीक कर्माचार्यको लगानी रहेको छ।
अरोन अशोक कुमारको छायाङ्कन र विपिन मल्लको सम्पादन रहेको चलचित्र ‘न यता न उता’ मा ऋचा शर्मा र मिराज रोशसंगै समीर दीक्षित, छुल्ठिम गुरुङ, बुद्धि तामाङ, रविन्द्र झा, सिल्सा जिरेल, राजाराम पौडेल, कमलमणि नेपाल, जीवन भट्टराई, किरण राई, नमिता घिसिङ, भिमा मैनाली, राजन खतिवडा, जयनन्द लामा लगायतको कलाकारहरुको मुख्य अभिनय रहेको छ।
चलचित्र न यता न उता यहि श्रावण १७ देखि प्रदर्शनमा आउने तयारीमा रहेको छ।
