एजेन्सी , परिणीति चोपड़ा र सिद्धार्थ मल्होत्रा स्टारर चलचित्र ‘जबरिया जोड़ी’ अगस्त २ देखि प्रदर्शनमा आउने तयारी रहेको छ। चलचित्रको मुख्य भूमिकामा रहेका परिणीति र सिद्धार्थले कपिल शर्मा शो मार्फत चलचित्रको प्रमोशन गरेका छन। द कपिल शर्मा शो मार्फत नै परिणीतिले सैफ अलि खानलाई आफुले किडन्याप गर्न चाहेको खुलासा गरेकी छिन।
शो को दौरानमा कपिलले परिणीतिलाई जिस्किएर तपाई कसलाई आफ्नो ‘जबरिया जोडी’ बनाउन चाहनुहुन्छ भन्ने प्रश्नमा परिणीतिले आफुले सैफ अलिलाई किडन्याप गरेर आफ्नो जबरिया जोडी बनाउन चाहन्छु भनेकी छिन। यसका साथै आफुले यो कुरा करिनालाई पनि सुनाएको बताएकी छिन।
‘जबरिया जोडी’ एक रोमान्टिक कमेडी चलचित्र हो, जुन बिहारको चर्चित परम्परामा आधारित रहेको छ। जहाँ विवाहको लागि बेहुलालाई किडन्याप गरेर लगिएको छ। फिल्मको ट्रेलर पछिल्लो समय दर्शक माझ निकै नै चर्चित भईरहेको छ। प्रशांत सिंहको निर्देशनमा तयार भएको चलचित्र जबरिया जोडीमा परिणीति चोपड़ा र सिद्धार्थ मल्होत्राको अलावा अपारशक्ति खुराना, जावेद जाफरी, संजय मिश्रा, नीरज सूद लगायतका कलाकारहरुको मुख्य भूमिका रहेको छ।
