काठमाडौँ साउन ०८ , त्रिकोणात्मक प्रेम कथामा आधारित रहेको चलचित्र ‘साइनो’ को क्या बात छ बोलको आइटम गीत सार्वजनिक भएको छ। मिना निरौलाको आवाजमा रहेको यस गीतमा शब्द यमन सुवेदी र किरण भुषालले संगीत दिएका छन। यस आइटम गीतमा निता ढुंगानाका साथमा अभिनेता राजकुमार र राजा राजेन्द्र पोखरेलले कम्मर मर्काएका छन्।
नेपालकी पहिलो अभिनेत्री भुवन चन्दद्वारा निर्माण गरिएको ‘साइनो’ यहि साउन २४ गतेदेखि नेपालभर प्रदर्शनमा आउने तयारीमा रहेको छ।
चन्द्र बिनायक फिल्म प्रोडक्सनको ब्यानरमा रमेश थापाको निर्देशन रहेको फिल्ममा नीता ढुंगाना, राज कुमार, मिरुना मगर, बसुन्धरा भुषाल,भुवन थापा चन्द, मदनदास श्रेष्ठ, रोयदीप श्रेष्ठ, शिखा तामाङ, श्याम राई, , राजा राजेन्द्र पोखरेल, रेगन क्षेत्री लगायतका कलाकारहरुको मुख्य अभिनय रहेको छ।
