काठमाडौँ साउन ०८ , नेपाली चलचित्र क्षेत्रमा आफ्नो छुट्टै नाम र पहिचान बनाउन सफल अभिनेत्री निता ढुंगाना पछिल्लो समय चलचित्र क्षेत्रमा खासै सक्रिय छैनन। तर पनि उनि समय समयमा विभिन्न कारणले गर्दा चर्चामा भने आइ नै रहेकी हुन्छिन। पछिल्लो समय निकै नै कम मात्र चलचित्रमा देखिएकी नीता यस समय चलचित्र ‘साइनो’ को प्रचार प्रसारमा व्यस्त रहेकी छिन।
साइनोको प्रचार प्रसारको क्रममा नीताले एक अन्तर्वार्तामा आफुले अभिनयका साथ साथै चलचित्रको निर्माण गर्न लागेको समेत बताएकी छिन। उनले निर्माण गर्न लागेको चलचित्र ‘प्रेम कथा’ मा आधारित रहने बताईएको छ। नाम र कलाकारहरुको टुंगो नलागेको चलचित्र चाडै नै छायांकनमा जाने छ।
साउन २४ गतेबाट नेपालभर प्रदर्शनमा आउन लागेको चलचित्र ‘साइनो’ को प्रचार प्रसारमा दौडधुप गरिरहेकी निता यस चलचित्रमा बोल्ड अवतारमा देखिएकी छिन।
