काठमाडौँ : वैदेशिक रोजगारीमा मलेशिया पुगेका एक युवकको नेपाल फर्किने क्रममा जहाजमै ज्यान गएको छ ।
बुधबार दिउँसो मलेशियाबाट नेपाल फर्किने क्रममा दोलखाको जिरी नगरपालिका-८ निगालेका ३२ बर्षीय ओंग दोर्जे शेर्पाको विमानमै मृत्यु भएको हो ।
करिब डेढ वर्ष अघि कामको शिलशिलामा मलेशिया पुगेका शेर्पालाई एपेन्डिक्सको समस्या आएकोमा अप्रेसन भएपछि कम्पनीले मलेशियन एयरर्लाइन्समार्फत नेपाल फर्काएको बताइएको छ ।
जहाजमा दिउँसो करिब ११:३० सम्म गफगाफ गरिरहेका शेर्पा त्रिभुवन अन्तराष्ट्रिय बिमानस्थलमा जहाज ल्याण्ड हुनु अगावै एक्कासी बेहोस भएर ढलेको र केहिबेरमै निधन भएको हो ।