काठमाडौँ : बिहीबार बिहान गाईवस्तुलाई घाँस हाल्ने क्रममा करेन्ट लगेर एकजनाको मृत्यु भएको छ ।
झापाको कमल गाउँपालीका-५ पाडाजुंगी आइतबारे घर भएका काजीबहादुर जोशीको करेन्ट लागेर मृत्यु भएको हो ।
बिहान करिब ५ बजे गाईवस्तुलाई घाँस हाल्न गोठमा गएका जोशीले विद्युतको पोल अड्याउन लगाइएको फलामको तारमा छुँदा करेन्ट लगेर घटनास्थमै ज्यान गएको जिल्ला प्रहरी कार्यालय झापाका प्रहरी नायव उपरीक्षक महेन्द्र कुमार श्रेष्ठले जानकारी दिए।
उनका अनुसार मृतक जोशीको शव पोष्टमार्टम पश्चात सम्पूर्ण कानुनी प्रकृया पूरा आफन्तलाई बुझाउने तयारी गरिएको छ ।