काठमाडौँ – नेपाल कम्युनिष्ट पार्टी(नेकपा)का नेता माधवकुमार नेपालले नेकपाको तहको पार्टी नेपालमा नरहेको दावी गरेका छन्।
बिहिबार पार्टी कार्यालय धुम्बाराहीमा आयोजित एक कार्यक्रममा बोल्ने क्रममा नेपालले नेकपासँग मुकावला गर्ने अरु पार्टी नै नभएको उल्लेख गर्दै नेपालले नेकपाको तहको पार्टी कुनै नभएको जिकिर गरेका हुन्।
यस्तै उनले कम्युनिष्टहरुको एकता अब नभत्किने विश्वास पनि व्यक्त गरेका छन्। कम्युनिष्ट एकता रातारात नभएको र लामो समयसम्म एकले अर्कालाई बुझेर मात्रै एकता गरिएको उनको जिकिर छ।
नेपाल कम्युनिष्ट पार्टीका संस्थापक सदस्य नरबहादुर कर्माचार्यको छैठौं स्मृति दिवसको अवसरमा आयोजित श्रद्धाञ्जली कार्यक्रममा उनले भने,”अहिलेको कम्युनिष्ट एकता रातारात भएको होइन । कसैले यो एकता टिक्दैन, फुट्ने भयो भन्ने आशंका गरेका छन् त्यसमा सत्यता छैन। लामो समयसम्म एकले अर्कालाई बुझेर यो एकता भएको छ । फलामे एकताको रुपमा कम्युनिष्टको एकता भएको छ, यो भत्किँदैन ।”