काठमाडौँ – तस्करीमा स्कुलबस प्रयोग गरेको आरोपमा प्रहरीले एक स्कुल बस चालकलाई पक्राउ गरेको छ।
खौरो हेरोइन र नक्कली नोटको तस्करीमा स्कुलबस प्रयोग गरेको आरोपमा प्रहरीले एक स्कुल बस चालकलाई कपिलवस्तुबाट पक्राउ गरेको हो। पक्राउ पर्नेमा मायादेवी नगरपालिका ८ बरकुल बस्ने २६ वर्षीय देउकीनन्दन कसौधन रहेका छन्।
कपिलवस्तुको मायादेवी नगरपालिका–४ को पिपराबाट चाकरचौडातर्फ आउँदै गरेको लु १ क १५५४ नं. को पिस ग्लोबल इंग्लिस बोर्डिङ स्कुल बसमा चेकजाँच गर्दा खौरो हेरोइन र नक्कली नोट फेला परेपछि कसौधनलाई पक्राउ गरिएको हो।
उक्त स्कुल बसबाट बसको टुलबक्सबाट लुकाइराखिएको १० पोका खौरो हेरोइन, पाँच सयका नक्कली नोट ८८ थान बरामद गरिएको प्रहरीले जनाएको छ।
विशेष सूचनाका आधारमा खटिएको सादा पोसाकको प्रहरी टोलीले चालकलाई नियन्त्रणमा लिएको बताइएको छ।
