काठमाडौँ : राष्ट्रिय परीक्षा बोर्डले यस वर्षको माध्यामिक शिक्षा उतीर्ण परीक्षा (एसएलसीई) कक्षा १२ को नतिजा सोमबार (आज) प्रकाशित गर्ने भएको छ ।
साँझ ५ बजे सम्म कक्षा १२ को सबै विषयको नतिजा प्रकाशन गर्ने तयारी भइरहेको परीक्षा बोर्डले जनाएको हो ।
आइतबार प्राविधिकसहितको उपस्थितिमा नतिजाको शुद्धता परीक्षण गरिएकोमा कुनै त्रुटी नभेटिएपछि सोमबार बोर्डको बैठक बसी नतिजा प्रकाशित गर्न लागिएको हो ।
कक्षा १२ को गत परिक्षामा देशभरबाट जम्मा चार लाख ३५ हजार विद्यार्थी सहभागी भएका थिए ।
