काठमाडौँ साउन १४, असोज ३ गतेबाट नेपाल भर प्रदर्शन हुने तयारीमा रहेको चलचित्र ‘लभ डायरीज’ को ‘सुनेउ कि सुनेनौ’ बोलको गीत युट्युब मार्फत सार्वजनिक गरिएको छ। अर्जुन पोखरेलको संगीत रहेको गीतमा सुगम पोखरेल र स्वेच्छा ठकुरीको आवाज रहेको छ।
रमणीय स्थानमा छायांकन गरिएको गीतमा सुशील श्रेष्ठ र नवनायिक रुबिना थापाको केमेस्ट्री देख्न सकिन्छ। यसै चलचित्रबाट निर्देशक सौरभ चौधरीले चलचित्र निर्देशनमा डेब्यु गरेका हुन्।
रोमान्टिक प्रेम कथामा आधारित रहेको चलचित्रमा सुशील र रुबिनाका अलावा विश्वजित रिमाल, विष्णु सापकोटा, अर्जुनजंग शाही, विशाल पहारी लागयतका कलाकारहरुको मुख्य अभिनय रहेको छ।
