काठमाडौँ – नवनियुक्त संस्कृति, पर्यटन तथा नागरिक उड्डयन मन्त्री योगेश भट्टराईलाई नेपाली काँग्रेसका नेता गगन थापाले शुभकामना दिएका छन्।
बुधबार मात्रै सपथ लिएका सत्तारुढ दल नेपाल कम्नियुष्ट पार्टी (नेकपा) का नेता समेत रहेका नवनियुक्त संस्कृति, पर्यटन तथा नागरिक उड्डयन मन्त्री योगेश भट्टराईलाई थापाले सामाजिक संजाल मार्फत शुभकामना दिएका हुन्।
शुभकामना दिँदै थापाले नवनियुक्त पर्यटनमन्त्रीको जिम्मेवारी सफलतापूर्वक पूरा होस् भनी कामना गरेका छन् भने मन्त्रीका रुपमा भट्टराईको सफलता नेपाल कम्युनिष्ट पार्टीसँग मात्र नजोडिएको पनि थापाले शुभकामना सन्देशमा उल्लेख गरेका छन्।
भट्टराईको सफलता आफ्नो पुस्ताको राजनीतिकर्मीहरूप्रतिको आशा र विश्वाससँग जोडिएको उल्लेख गर्दै थापाले लेखेका छन्,”मन्त्रीको रूपमा तपाईको सफलता तपाईं र तपाईं पार्टीसँग मात्र होइन, हाम्रो पुस्ताको राजनीतिकर्मीहरूप्रतिको आशा र विश्वाससँग जोडिएको छ। मुरीमुरी शुभकामना ।”
सामाजिक संजालमा उनी लेख्छन् –
“दाइ, संस्कृति, पर्यटन तथा नागरिक उड्डयनमन्त्रीको जिम्मेवारी सफलतापूर्वक पूरा होस्। मन्त्रीको रूपमा तपाईको सफलता तपाईं र तपाईं पार्टीसँग मात्र होइन, हाम्रो पुस्ताको राजनीतिकर्मीहरूप्रतिको आशा र विश्वाससँग जोडिएको छ। मुरीमुरी शुभकामना ।”
