काठमाडौँ – विभिन्न प्रलोभन देखाई दुई किशोरीलाई देह व्यापारमा लगाएको आरोपमा प्रहरीले सुनसरीबाट दुई जनालाई पक्राउ गरेको छ।
होटलमा काम लगाइदिन्छु भन्दै प्रलोभनमा पारेर दुई किशोरीलाई देह व्यापारमा लगाएको आरोपमा प्रहरीले दुई जनालाई शनिबार साँझ सुनसरीबाट पक्राउ गरेको हो।
पक्राउ पर्नेहरुमा पाँचथर फिदिम फलैचा–८ बस्ने ३० वर्षीया बिनु सुब्बा र महोत्तरी बर्दिबास नगरपालिका–१२ बस्ने २९ वर्षीय सरोज कार्की रहेका छन्।
प्रलोभनमा पारेर दुई किशोरीलाई देह व्यापारमा लगाएको भन्ने सूचना पाउने बितिकै ईलाका प्रहरी कार्यालय ईटहरीबाट खटिएको प्रहरी टोलिले उनीहरुलाई पक्राउ गरेको हो।
मोरङ बेलबारी बस्ने २१ वर्षीया र सुनसरी ईटहरी बस्ने १७ वर्षीया किशोरीलाई ईटहरी उपमहानगरपालिका–६ स्थित होटलमा काम लगाइदिने भन्दै देह व्यापारमा संलग्न गराएको ईटहरी प्रहरीले जनाएको छ।
