काठमाडौँ : सोमबार राति मोटरसाइकलको ठक्करबाट दाङमा एकजनाको मृत्यु भएको छ ।
दाङको सोनपुरुवाबाट प्रनाहामा रहेको ससुराली जाने क्रममा गढवा गाउँपालिका-५ निवासी ६५ वर्षका गंगाराम यादवलाई लु ५ प ९७११ नम्बरको मोटरसाइकलले बाँकी चोकमा धक्का दिएको हो।
उक्त घटनामा टाउको र खुट्टामा गम्भीर चोट लागेका यादवको लमही अस्पतालमा उपचारका क्रममा ज्यान गएको जिल्ला प्रहरी कार्यालय दाङले जनाएको छ ।
उनका अनुसार मोटरसाइकल सहित चालक १८ वर्षीय रोहित चौधरीलाई नियन्त्रणमा लिएर थप अनुसन्धन अघि बढाइएको छ ।
