काठमाडौँ : प्रमुख प्रतिपक्ष दल नेपाली कांग्रेसकी सांसद पुष्पा भुसालले सत्तारूढ दल नेपाल कम्नियुष्ट पार्टीले नियम मिचेर सरकारी जग्गामा कार्यालय स्थापना गरेको भन्दै विरोध जनाएकी छिन् ।
मंगलबारको प्रतिनिधि सभा बैठकमा बोल्दै कांग्रेसको प्रमुख सचेतक समेत रहेकी भुसालले नेकपाले नियम मिचेर सरकारी जग्गामा पार्टी कार्यालय बनाएको भन्दै अप्पति जनाएकी हुन् ।
उनले सरकारी जग्गामा पार्टी कार्यालय बनाएको नेकपाले प्रतिपक्षको भन्दा आफ्नो प्रतिष्ठामा चिन्ता लिनुपर्ने धारणा समेत व्यक्त गरेकी थिईन् ।
नेकपाले नियम मिचेर, कानून मिचेर पार्टी कार्यालय संचालन गरेको कुरा उठिरहेको छ,प्रमुख प्रतिपक्ष दल नेपाली कांग्रेसको प्रतिष्ठालाई चिन्ता नलिऔं, नेकपाको प्रतिष्ठामाथि बढी चिन्ता गरौँ । नेकपाले नियम मिचेर सार्वजनिक जग्गामाथि भोगाधिकार गरिरहेको छ, त्यसको चिन्ता गरौँ ।’,उनले भनिन् ।
