एजेन्सी – एक बालिकाले बुद्धिमानीपूर्वक आफ्नो भाइको ज्यान बचाएको भिडियो सामाजिक संजालमा भाइरल भएको छ।
भाइरल भएको भिडियोमा एक बालिकाले लिफ्ट भित्र हुँदा ज्यान खतरामा परेका भाइलाई बुद्धिमानीपूर्वक बचाएको देखिएको छ। ती बालिकाले देखाएको बहादुरी र बुद्धिमानीको सामाजिक संजालमा अहिले तारीफ भैरहेको छ।
सम्पूर्ण घटना सीसीटीभीमा कैद भयो
अन्तराष्ट्रिय संचार माध्यमहरुका अनुसार भिडियो टर्कीको इस्तानबुलको हो। बालिकाले आफ्नो भाइलाई बुद्धिमानीपूर्वक बचाएको दृश्य लिफ्टमा भएको सीसीटीभीमा कैद भएको बताइएको छ। सोहि भिडियो सामाजिक संजालमा देखा परेसँगै भाइरल भएको हो।
के छ भिडियोमा ?
Horrifying moment! Sister stayed calm and saved the boy who got hang by toy rope inside an elevator in Istanbul, Turkey. Please watch your children when using elevator. pic.twitter.com/NmZ2x5VwyE
— People’s Daily, China (@PDChina) August 1, 2019
सीसीटीभी फुटेजमा खुल्ला लिफ्ट भित्र एक बालिका प्रवेश गरेको देखिन्छ। त्यसपछि अर्का एक बालक र बालिका पनि लिफ्ट भित्र प्रवेश गर्छन्। लिफ्ट भित्र प्रवेश गरेका बालकको घाँटीमा डोरी देखिन्छ। लिफ्ट बन्द हुँदा सम्म पनि डोरीको आधा हिस्सा बाहिर नै हुन्छ।
जब लिफ्ट माथि जान थाल्छ, तब एक्कासी ती बालक झुन्डिन्छन्। तत्कालै बालिकाले ती बालक इमरेन्जी बटन दबाउँछिन् र लिफ्ट पुन : तल फर्किंदै गर्दा बालकको घाँटीबाट डोरी निकाल्छिन्।
सामाजिक संजालमा बालिकाको तारिफ
सुझबुझका साथ नहडबढाई बालिकाले चालेको कदमले धेरैलाई छोएको छ। बालिकाको समझदारीलाई सबैले सम्मान गर्दै सामाजिक संजालमा सकारात्मक प्रतिक्रिया जनाएका छन्।
सामाजिक संजालमा एक लेख्छन्,”यस्तो अवस्थामा एक वयस्कले समेत के गर्ने भनेर सोच्न सक्दैन। तर सुझबुझका साथ बालिकाले “एक्सन” लिएको देखेर म अचम्मित भएँ।”
सामाजिक संजालमा यस प्रकारका कयौं टिप्पणीहरु देखिएका छन्।
