अभिनेता रितेश देशमुखकी श्रीमती र बलिउडको चुलबुली अभिनेत्रीले जेनेलिया डिसूजाले गत ५ अगस्टमा आफ्नो ३२ औँ जन्मदिन मनाईन्। रितेश र जेनेलियाको बिहे भएको ७ वर्ष भईसक्यो। आज जेनेलिया फिल्मी पर्दा भन्दा निकै टाढा छिन् र परिवारसंग क्वालिटी टाइम स्पेन्ड गर्दैछिन्। प्राय: जेनेलिया लाइमलाइट भन्दा टाढा नै रहन्छिन्। तर यसैबीच हाल जेनेलिया श्रीमान रितेशसँग लंच डेटमा स्पट भएकी थिइन्। यसै क्रममा जेनेलिया पिंक र व्हाइट कलरको टपसँग व्हाइट प्यान्टमा निकै ग्ल्यामरस अंदाजमा देखिईन्। साथै लाइट मेकअप र खुल्ला कपालले उनको लुकलाई कम्पलीट गरेको थियो। रितेश व्हाइट टीशर्ट र ब्ल्याक प्यान्टमा थिए। प्यान्टसँग क्यापले निकै कूल देखिएको थियो।
रेस्टूरेन्टको बाहिर श्रीमती जेनेलियाको हात समातेर यी दुईले पोज दिएका थिए। तस्विरमा कपलसँग साउथ एक्टर राम पोथिनेनी पनि थिए। जेनेलिया र रितेशको तस्वीर सोशल मीडियामा भाइरल भएको छ। रितेश र जेनेलियाले २०१२ सालमा बिहे गरेका थिए। दुवैले बिहे गरेको ७ वर्ष भईसक्यो। यी दुई जोडीको दुई छोरा छन्। ठुलो छोराको नाम रियान हो र सानो छोराको नाम राहिल हो ।
